|
|
|
Narsarsuup narsarsuunini ateqaatigaa, tassalu sioqqanik ujaqqanillu nassarujussuaq eqqaani iigartartumit pilersinneqarsimasoq. Sorsunnersuup kingulliup nalaani amerikamiut aalajangerpaat sermersuup narsarsualiaa Europamut timmisartornermi nunniffissaqqissoq, tassanilu amerikamiut sakkutuui sakkutooqarfiliorput mittarfilimmik, mittarfillu taanna taaguuneqartippaat Bluie West 1. Bluie West 1 suliaasoq annertooq ullormiit ullormupajaaq miffigineqarsinnaalerpoq. Aamma napparsimmavissuaq 600-nik uninngasoqarsinnaasoq sananeqarpoq. Taannalu Normandiemi iligiit saassussineranni D-dagimi ikilerneqartunut napparsimmaviuvoq. Sorsunnersuup kingulliup kingorna Narsarsuup ameerikkamiunit oqartussaaffigineqarnera ingerlaannarpoq. 1945-p naanerani inuit 1.000-t tungaanoortut najugaqarput - taamaalilluni taamani Narsarsuaq nunatsinni inoqarnerpaavoq. Koreamut sorsunneq napparsimmavimmilu tusatsiakkat Koreamut sorsunnerup nalaani mittarfik pingaaruteqaqqilerpoq, napparsimmavimmilu uninngasinnaasut 1.000-inut amerlineqarput. Ukiut ingerlanerini tusaamaneqartuarpoq sakkutuut Koreami sorsuttut annertuumik ikilerneqarsimasut Narsarsuarmi inuiaqatigiinnit takuneqarsinnaanngitsumi katsorsarneqartartut, taamaasiornikkullu USA-mi sorsunnerup inuiaqatigiinnit tapersersorneqarnerata tungaatigut innarlernaveersaartinneqarsimanerarluni. Kisiannili taamatut siunertaqartoqarsimaneranik uppernarsaatissanik tunngavilersuutaasinnaasunik soqanngilaq. Napparsimmavik 1958-imi matuneqarpoq, napparsimmaviillu illutai 1972-imi ikuallattoqarneratigut nungupput. Napparsimasunik paarsisut isersimaartarfianiittoq pujoorfissuaq kisimi amiakkuuvoq sulilu takuneqarsinnaalluni. |
||||
Narsarsuaq ullumikkut |
||||
Forside Misigisassat Narsarsuup oqaluttuassartaa |