Hotel Narsarsuarmi atorfiit

Akunnittarfiup ingerlanneqarneranut tunngasumik sulinissat soqutigigukku, tamanna pillugu uaniittut atuakkit. Suliffissatsialannik neqeroorutissarpassuaqarpugut, aalajangersimasumik aalajaatsumillu suliffissarsiortunut. Aamma aasaanerani sulerusuttut atorfissaqartippagut.

Atorfiit inuttassarsiuunneqartut

Atorfiit suliffissallu tamarmik Mittarfeqarfinni suliffissat allat assigalugit nittartakkami immikkut ittumi saqqummersinneqartarput:

Mittarfeqarfinni suliffissanik ujaasiniaruit una tooruk


Mittarfeqarfiit Kangerlussuarmi Narsarsuarmilu akunnittarfinni sulisutik tulluussimaarutigaat. Arlalissuit ukiorpassuarni uagutsinni sulisimapput, amerlaqisullu taartaallutik suliartortuartarput. Tamanna nuannaarutigalugulu qujamasuutigaarput.

Akunnittarfiup ingerlanneqarneranut tunngasumik sulinissat pillugu uani atuarsinnaavutit, taakkulu sulisussarsiuuttuartarpavut:

Saaffiginnittarfik

Saaffiginnittarfimmi sulisut tikeraanik kiffartuussinissaq inuillu allat peqatiginissaat nuannarisariaqarpaat.

Neriniartarfik

Neriniartarfimmi, cafeteriami imerniartarfimmilu saqisunik, barimiittunik grillernermilu ikiortinik assigisaannillu atorfinitsitsiuartarpugut.

Igaffik

Igaffimmi suliassat assigiinngitsorpassuupput, soorlu igasunut, qallersuisartunut, iffiortunut igaffimmilu ikiortinut.

Nammineq kajumissuseq tunngavigalugu qinnuteqarnerit

Sukkulluunniit nammineerlutit qinnuteqarnissannut tikilluaqqusaavutit. Atorfiit tamarmik Mittarfeqarfiit ataanni inuttassarsiuunneqartarput. 

Mittarfeqarfinni suliffissat una toorlugu takukkit.

Atorfiit ilaanni ilinniakkamik tunuliaqutaqarnissaq ilinniagaqarsimasuunissarluunniit piumasaqaataavoq, annermik Inuussutissalerinermik Ilinniarfimmi. Inuussutissalerinermik Ilinniarfik, Inuili, pillugu paasissutissat uani atuakkit.

Ilinniarfissat
Ilinniartunngorusukkuit siullermik atuarfiit attaveqarfigissavat. Atuartuuguit uagutsinnilu ilinniartunngorusullutit nammineerlutit qinnuteqarnissannut tikilluaqqusaavutit